To sign my guestbook, you need to signin first. | |
Music1975 Guestbook Music1975 (7 years ago)ياوقت ماعندي عليش انحايل وياجرح ماضني اهناك دواى وياعمر كملته امغير علايل لاهناك بسمه ولا اهناك زها وياعين دمعك ليش ديما سايل حقك علي ماعاد اهناك ابكاي وياطيف في عز المنام اتخايل فارق خلاص ماعاد ايريد غلا وياهم فوق الهم ديما شايل اهموم واجده زادن الجرح شقا منحاشن عزيز امعاي عيبه طايل عليه باالسوايا انرد حتي نا اوصلني خبر واجد اسمعته قايل انكان عاالخطا ماهن اردود اكفا Music1975 (7 years ago)عكس الناس نرقد في النهار .. و نوعه وين ما يبان المغيب .. نحـوس شوى و نجمع أفكار .. ياما فيه من واقع عجيب .. ريت الناس ماتصفى غثار .. و كي تنظام ماتلقى حبيب .. و ريت الجار ما يقبل الجار .. و ريت القرب يبعد في القريب .. و ريت الحق كي ضي الفنار .. و ريت الزور في منظر رهيب .. و ريت كبار فى عيني صغار .. و زين الناس تمالي عطيب. Music1975 (7 years ago)لا ملتاع لانك في لهايب ** راكح فوق في قلب السما ننظر فيك في ساعة طرايب ** ضاوي كي جبنون الفتاة وننظر فيك في ساعة سكايب ** وقت ضيوق علمي مالدنا خفيف ظريف موكيف الضبايب ** أتهل اوقات وتعاود خفا نريد احذاك نبقالك نوايب ** فيه كلام في عقلي دبا ننشد فيك عاللي وين غايب ** انظر وين طيفورة رسا نحسد فيك ياصاحب العجايب ** دوم انظرك للغالي زها كبر السن ريت الراس شايب ** مشتاقين لبحور الغلا Music1975 (7 years ago)ما زلت نا القديم ... حذاي وين ما يطروا اولاف أنهيم وبخصك وين علي المواهيم .. بانت وجابني لهن الخطا إيسيلن كما سيلت دموع إيتيم .. أرقاق الغرض علي قديم غلا ما زال لي أبعاد .. ومازلت ديــــــــــــما عل القدم نشاد ومازال قلبي بالغلا وداد .. إيزيد فيه عطاه مع الخليل عطاه وما زلت نعشق سمحة الميعاد .. وأنرايف عليها أن حازها الجفا مازال في وجّاب .. ومازلت نلقى للسوال جواب ومازلت كي يخطر نظيف الناب .. الأنظار يهطلن هطلت نزيل أشتا ومازال عل الماقي إيحوس ضباب .. إحذاي وين ماعاشق اولاف طرا ومازلت حامل في الكنين عذاب .. هجرتهم للشوكه وداروى فى خطا ومازال في قلبي وميض شباب ..حتى ان كان راسى الشيب فيه طغا مازلت رغم القهر .. أنحب الحواري و الطرب و السهر فالشوكه نشعر وين ميحسن قهر....على رغم ماجنى منها جفا وبيهن أنداوي في كواين دهر .. قديمات في ماضي قديم مضا مازلت نا القديم صاحب الجفا نقدر عليه انصيم لاعيب لاسيات لاتحريم لامعاتبه لاحس لاضوضا ولا ليش لا كنك ولاتكليم كثر الحديث ايسير فيه خطا ولانريد نفتح باب سين وجيم ولاخير ف الصاحب ان كان شكا خزازين عقلي نين دارن ريم من كثر السوايا طافحات منا صابر ونراجي في رجا الكريم يمكن اللي دردي اتعود صفا  gege65 (7 years ago)كانوا فيك يادار الونس...طيبك ناس كنهم غايبين لامرسال لا واحد جلس...غير إنقول يبقوا طيبين، كانوا كيف شمعات الونس...إنجيهم جي ماليني حنين ننشد فيك يادار الونس...وين إللي كاين في الكنين بجاه الله يادار الونس...قولي وين رمشت العين نار الشوق تحرق في إنحس...وخوفي زاد علي القاعدين راه الود هو دربي نفس...إمغير أرياف علي غايبين طيبك دار يادار الونس...الله لايجيب شورك قال شين وحتى كان عجاجك كنس Music1975 (7 years ago)انتى اسمعى وانا اللّى نحكيـلك كلام من هـوا عقـلى ايقـصّر ليــلك يمكن انقول قصيدة ونشرحلك على اللوعة وع التنهيدة وكم نار تصبح فى الصباح جديدة وانا جــيت منــها يا غــلا نشــكيلك وكم جرح مش لاقي عليه ضميدة محتاج يمسحه مسحة دفا منديلك يمكن انكون امرايف القـيتــك ونس ليا وطـرفــك رايـف ويمكن انكون الدرب مانى شايف ويمكــن سـبيلى يا جميل سبيـلك ويمكن ايكون القلب عندى صايف لآجـى من الرمـضة الـلـه وكيــلك ويمكن ايكون العقل عندى خـايف من غـيبـتك عـنـى ويـوم رحــيلك ويمكن ويمـكن واجـدات حسـايف الناس ربّعت وآنا الرجا فى سيلك Music1975 (7 years ago)يصعب علينا انحبو ،، عزاز نفس مو كل الطيور انربو ،، خياب فالغلا يوعر علينا الذلة ونزلت مواطي و الحنين و كله وقولت انحبك يا جمــيل الطلة عسيرة عليه االفم دوم انخبــو ولي قلب ماساهل عليك اتحله معقود خوطاطــه اسنين اينبو مكاسيـــح ما كل البنات اتقله مثاقيل من صفــو الصباايا يبو كان عالغلاا عندي قلايل زلـــه وقليل الفتايــاا بالعيون انصبو يابو عبد ماخشمه نهار اتعــلاا واحنا صغيرنا عالعـز فيه ايلبو مجافيل من وخد العيون اسملا يحفظنا العالي عالحسود انغبو Music1975 (7 years ago)مـا نـخـذلـهم ،، و لا يـوم نجفـاهم ولا انـزعـلهم ،، و فـوق الدلال انـزيد و انـدلـلـهم ،، كيف العسل ودي عليهم صـافي ،، ولو جوني مرة والعـطش غالبهم ،، بـيـر الغـلا عندي شـرابـه وافـي ،، Music1975 (7 years ago)الايام يمشن عام ياخذ عــــــام و العمر ودرتا جفا و أحــــــــلام الايام كيف أطباعــــــــــــــــــك عجولات و الخاطر يخاف ضياعك واللى صبر خاسر و خسر من باعك نصبح و نمسى فى سريب أوهام يا عمر ما تمشى نريد أرجاعــــــــك مظلوم لاوينى كدر الايــــــــــــــام ساعة اتجى رايق تحل شراعـــــــك و ساعة أمواجك دايرات ألطـــــــام و ساعة جروحك لاويات أذراعـــك و ساعة من الكدر متعبيات أجمام Music1975 (7 years ago)مـــا يغلبــن غيــر ليـام ... ومايقتلن غير الحسايف وما اشر من ادمــوع ليتام ... الا سيل دمعة الخــايف وما شر من جبــر لعـــدام .... الا كسر خاطر امرايـــف وما شر من قهر لكـــــرام ... الا علو شان السرايـــف وما شر من رق لعــــزام ... الا رق حال العفايـــــف وما شر من وكس لســوام ... الا رسم سوق العجايــف وما شر من فعـــل ظلام ... الا سكتك وانت شايف | |